اللبس الشرعى والتبرج <للنقاش>

السلام عليكم ورحمة الله وبركات

بسم الله الرحمن الرحيم

اللهم يا رب العالمين يا ارحم الراحمين ارحمنا وتب علينا واغفر لنا ذنوبنا ويسر لنا امور دنيانا و ديننا وادخلنا جنتك مع سيد الخلق اللهم آمين

ان شاء الله الموضوع ده للنقاش عن اللبس الشرعى

كل واحد هيدخل يقول فكرتو عن اللبس الشرعى ولبس زوجات النبى

وهل النقاب فرض ام سنّه

وماذا تعنى لك كلمة تبرج

ومتى الفتاه تكون متبرجه

هندخل نتناقش فى الموضوع ده يا جماعه لانه موضوع هام للغايه

والسلام عليكم

وان شاء الله مستنى النقاش الجاد

أنا من رأيي إن اللباس الشرعي هو ما لا يشف و لا يصف
و التبرج هو تعمد لفت الانظار و جذب الانتباه

لا يشف ولا يصف

يعنى ممكن نقول اسدال؟

لان العبايه للاسف بتصف

كلامك سليم يا هيومن

مستنيين ردود اكتر

humane.girl كتب:أنا من رأيي إن اللباس الشرعي هو ما لا يشف و لا يصف
و التبرج هو تعمد لفت الانظار و جذب الانتباه

رايي نفس راي هيومن جيرك

بس بالنسبه للنقاب لا مش فرض هو سنه واللي هتلسبه إلها اجر زياده بس لو ما لبست مش هتتحاسب

واكيد اه الاسدال لبس شرعي بس العبايه كمان لبس شرعي والاختلاف بينهم مش كتير

لا يا حنين اسمحيلى الاختلاف بينهم كبير ومستنيين ردود اكتر

يا اخواني ابتعدوا عن المسميات سواء عبايه أو اسدال أو ملحفه

مش مهم اسمه ايه
لان سبب التخلف اللي احنا فيه اننا بنستخدم مسميات حلوه على حاجات قبيحه
زي مثلاً الحجاب
واحده تقول انا لابسه حجاب وتبص على الحجاب بتاعها تلاقي نص شعرها باين
والاسم ( انا لابسه حجاب ) ايه انت مابتشوفش
موصفات اللبس الشرعي
ألا يصف ، الا يشف ، ألا يٌظهر ، لا يلفت الانظار

فيه بعض اللبس بيكون كويس لكن لما الواحده تتعرض لاقل نسمة هواء تجعل الملابس تصف يبقى نخلي بالنا ان ده ماينفعش
واللي عايزه تتقي ربنا من الاول
لازم تبص في المرايا وتسأل نفسها
الملابس بتاعتي هل هي ملابس شرعيه
وتقيش كل وصف من الملابس الشرعيه على نفسها
من حيث الحجاب والطول والتجسيد والشفافيه
يعني تكون خارجه من بيتها وهي واثقه من نفسها
مش بنقول ان الواحده يكون لبسها وحش
لكن يكون غير ملفت للانظار واهم حاجه طبعاً الالوان


اما بالنسبه للنقاب ففيه كلام كتير
فيه ناس بيقولوا فرض واللي ما تلبسوش تبقى مش من الدين
وفيه ناس بيقولوا ده تخلف واللي تلبسه مش من الدين

يا جماعه النقاب فضيله
بس مش شرط علشان واحده لبست النقاب تفتكر نفسها انها دخلت الجنه وهتاخد معاها 2 صحابها
طبعاً بعد الللبس الشرعي ، المهم الاعمال وقال رسول الله ( إن الله لا ينظر الى صوركم ولكن ينظر الى قلوبكم)
والورع والاخلاص اهم مليون مره من المظهر الخارجي
لان الورع ( بفتح الراء ) والاخلاص بيتحكموا في حجم الحسنات
يعني مثلاً لو انت صليت ركعتين لله وانا صليت ركعتين لله نفترض مثلاً ان الركعتين ليهم 1000 حسنه
مكن تكون الحسنه الواحده عندك تساوي 2000 حسنه من عندي لان اخلاصك اكبر من اخلاصي
يعني ممكن تكون واحده لابسه لبس شرعي بدون نقاب تكون عند الله افضل 1000 مره من واحده لابسه نقاب
بس الله يكرمكم لو واحده حلوه قوي تلبس نقاب علشان ما تتعبش الشباب الغلابه المرميين في الشوارع
لانها حتى لو لابسه لبس شرعي فجمالها نفسه يفتن
واللي زي دي الافضل ليها انها تلبس نقاب علشان ما تفتنش الشباب
ومش باقول انها ماشيه متبرجه ولا لبسها مش شرعي
انا باقصد انها كويسه وملتزمه ومتدينه ولبسها شرعي لكنها على درجة كبيره من الجمال

والكلام على النقاب هو هو بالضبط الكلام عن اللحيه
برضه ده مظهر خارجي وطبعاً لو الواحد التحى ده كويس لكن مايصحش ان واحد يتهم واحد تاني بضعف الايمان علشان هو مش ملتحي
وبرضه ممكن يكون اللي مش ملتحي افضل 2000 مره من الملتحي
طبعاً مش كل الناس زي بعضها
وربنا يوفقنا لما فيه الخير في الدنيا والاخرة

والسلام عليكم ورحمة الله وبركاته
اخوكم علي

كلامك صح يا على

بس معظم البنات حتى لو لبسهم مش شرعى ومقتنعين انه شرعى لما بيبصوا فى المرايه بيكونوا فى نظر نفسهم لابسين شرعى

وفى بنات كتيييييييييييييير جداً كده فيا ريت نعرف اللبس الشرعى بالوصف الدقيق ويا ريت لو حد عنده صور للبس الشرعى ينزلهم مع الرد

يا اخي
احنا دلوقتي بنتكلم عن المواصفات اما اللي شايفه نفسها تمام وزي الفل وهي لبسها الفعلي غير شرعي فدي ينطبق عليها قول الله تعالى بسم الله الرحمن الرحيم * وزين لهم الشيطان ما كانوا يعملون ) صدق الله العظيم
وفعلاً كلامك صح
كل واحده او واحد شايفه انها هاتدخل الجنه من غير حساب مع ان سيدنا ابو بكر اللي هو في مكانة عظمة واللي قال له النبي صلى الله عليه وسلم ( إن الله راض ٍ عنك ، فهل أنت راض ٍ عن الله )
قال ابي بكر لو ان احدى قدماي في الجنه والاخرى خارجها ما أمنت مكر الله
اما احنا فابنقول ما دام هنا ابيض يبقى الجنه ان شاء الله
المهم الاعمال وماحدش يخلي الشيطان يلعب في دماغه
فيه مواصفات عايزه تلتزمي بالمواصفات يبقى كان بها ولنفسك
لكن بتنعي نفسك انك لسه صغيره وعايزه تعيشي حياتك او انك كده كويسه واحسن من غيرك يبقى انتي كده بتضحكي على نفسك
وبتعملي زي بني اسرائيل ما اصطادوا الحيتان من البحر يوم السبت وافتكروا انهم بيتحايلوا على الله ، بس هما كانوا بيضحكوا على نفسهم

احييك اخى فى الله ادمن على الموضوع الهام ده

انا عن نفسى معترض على اى لبس يصف للبنت ما بالك بقى اللى بتلبس كت او مسيبه شعرها او .. او .. او .........!!

اللهم اهدى كل شباب وشابات المسلمين ورجالهم ونسائهم يا رب العالمين

رخيصٌ ذلك الحسن المُعرى
وأرخص منه مستور البقايا
فلا تجعل له في النفس حظا
وجنبها ذنوبك والطغايا

انا مع الاخ على فى كل كلامه

مرورك مقبول اخى الكريم