بعد الفراق

بعد الفراق


في يوم انا شفت واحده
بصيت في عينيها مرة
وعرفت معني الحب
وكتبت ليها في مرة
علشان اعرف شعورها
طلبت اني أجيلها
وقالتلي بكل لهفه
أنا في واحد بحبه
واخترت اعيش معاه
كانت كلمتها صدمه
كانت لهفتها لطمة
وقلت خلاص أسيبها
لكن حبها جوايا
وفيوم لقيتها جايه
ولقيت بسمه في عنيها
ولقيت ايديها في اديه
وقالتلي تعالى ننسي
ما بينا كل اللي فات
قولتلها تعالي نمشي
بعيد عن كل الناس
علشان يفضل حبنا
خالد طول الحياه
ونعيش انا وانت دايماً
أحلى أيام ما بينا وننسى معنى الفراق
ولقيتني في بحور عينيها
باكتب شعر وقصائد
علشان يعرف زمانا
قصة حب حلوة
عاشت دايماً مابينا

جميل إن الإنسان يقدر يفتح صفحة جديدة و ينسى اللي كان
تسلم الأيادي

ما بينا كل اللي فات
قولتلها تعالي نمشي
بعيد عن كل الناس
علشان يفضل حبنا
خالد طول الحياه
ونعيش انا وانت دايماً
أحلى أيام ما بينا وننسى معنى الفراق

حقيقى اللى بيحب بجد ممكن يسامح وده من سمات الحب الحقيقى
و ع الخواطر الجميله دى

نفسي اضيف كل يوم خمستاشر ستاشر موضوع بس لو فيه وقت
لكن للاسف معظم اليوم مشغول
وبدخل وبخرج بسرعه

بس المهم في التعليقات انا عايز نقد
نقد
نقد
عايز اعرف الراي في القصيده يا جماعه مش مجرد تعليق

وشكراً توتا وهيومان جيرل على المشاركه

وعندي بس سؤال
مين هي ماما وداد

السلام عليكم

انا هنا يابني بشكرك على السؤال

بجد ومن غير كدا ولا كدا قصيدتك عجبتني اوي رغم طابع الحزن والعتاب بس حلوة جدا وموزونة يعني ايقاعها متناغم بتكون سلسة على الاذن لما الواحد يرددها بينو وبين نفسو
بس طبعا عندي ملاحظات يارب تكون خفيفة عليك :

كانت لهفتها لطمة

لو كنت غيرتها شوية ، عارفة انها جات عشان الرايم اللي قبلو " القافية " بس كان افضل انك تتفادى انك تلتزم بالكلمات دي عشان تفضل على نفس المستوى من قوة الكلام بشكل عام
*******
وفيوم لقيتها جايه

حاول تتفادى الاخطاء الاملائية عشان بتخلي اللي بيقرا يتوقف شوية وكدا بتهز شوية صغنونة القصيدة . " انا شخصيا مبحبش الاخطاء الاملائية بجد وبقول كدا لكل الاصدقاء اللي بيكتبو الشعر والخواطر والمقالات
*********
وقالتلي تعالى ننسي
ما بينا كل اللي فات
نعديها معرفش بوقف عندها بحس في خلل في مكان ما بس نقول للضرورة الشعرية وطبعا دي النعمة اللي بيتمسك بيها اللي بيكتب الشعر وبيتلزم بالقوافي
*********
حاول انك تتفادى كمان تكرار الكلمات: قالتلي ، قلتلها، قلت ........
بتخلي الواحد يحس ان الكاتب معندوش مفردات لغوية يستعملها في لعبة الكتابة .
*********
انت بديت بعمل كوبل في الرايم ، نقولها عربي : كل سطرين بقافية وحدة وفي النهاية تخليت عن القوافي حولتها من قصيدة الى خاطرة .
*****
احييك بجد وان شاء الله نشوف كمان وكمان من كلامك القوي دا طبعا قوي بالمعنى والوزن و القافية واتمنى انك تكتب عربي فصيح عشان مش كل الناس بتعرف اللهجة المصرية او بتفهم كل مفرداتها .
دمت بخير وحب وحرية
ماما وداد

نسيت ارد على سؤالك مين هي ماما وداد
انا يابني من العراق من اقليم كوردستان . خريجة لغة وادب انجليزي . اهل والدي ادباء . بكتب في مكتوب وكم منتدى كدا احب اكتب خواطر ومقالات قصيرة .وبفهم في الشعر بس مش قادرة اكتبو .
تحب تعرف ايه كمان عني ؟ اسال ابني مدحت وحنين الشوق هم بيعرفو وكمان برنسس هي بنتي الحقيقية عندها 13 سنة طلبت منها تدخل هنا عشان تتقوى باللغة العربية بس اهي بتتقوى باللهجة المصرية هي واختها الصغيرة .

جميله يا على تسلم ايدك

دى يا سيدى ماما وداد

العقل المدبر و روح المنتدى اللى لو خرج منه يحصل خلل وممكن ينتهى

ماما وداد

42 سنه

العراق

شكراً ماما وداد على تعليقك اللي بيزيد المنتدى ثقل وقوة
واتمنى ان تقومي بمراجعة القصائد والاعمال في هذا المنتدى

هذه القصائد التي اعرضها معظمها كتبته منذ ست سنوات تقريباً ولكنني كنت دائما في تقدم في كتابة القصائد وصارت كل قصيده افضل في التعبير من قبيلتها

ولكنني للاسف الان توقفت عن كتابة القصائد وتفرغت للعمل واكتب بعض المقالات التي اود ان شاء الله ان اكتبها واضعها في المنتدى كمدونات ان شاء الله
ولكن ينقصني التشجيع

وشكراً مره اخرى على الرد وعلى النقد البناء
وأرجوا مراجعة موضوع السحر في القسم الاسلامي
وموضع العنف
وموضوع كلام في الحب

والسلام عليكم ورحمة الله وبركاته

ونسأل الله أن يفكك كرب المسلمين في كل مكان

اخوكم علي