بسم الله

ازيك يا جميل ..

مرحباً بك اخى الزائر / اختى الزائرة فى موقعك www.shbabek.yoo7.com
يسعد اسرة شبابيك انضمامك الينا ويسعدنا كثيراً ان تساهم معنا فى بناء منتدانا / منتداك
اتمنى ان تقضوا وقتاً ممتعاً وان تستفيدوا وتفيدونا بمواضيعكم العلميه والفنيه الشيقه

اخوكم قلـــــ الوطن ـــــب
شعارنا << my site is your site >>


شكرا

    قصيده/ كفايه سلبيه

    شاطر
    avatar
    قلـــــ الوطن ـــــب
    مدير المعرض
    مدير المعرض

    ذكر
    عدد الرسائل : 597
    العمر : 30
    الموقع : شبابيك عالمك للتميز
    العمل/الترفيه : رسام من الماضى
    المزاج : عبد فقير الى الله
    سلوكك فى المعرض :
    تاريخ التسجيل : 26/07/2007

    قصيده/ كفايه سلبيه

    مُساهمة من طرف قلـــــ الوطن ـــــب في 24/10/07, 11:26 am


    -----------------------------------
    قصيده/ كفايه سلبيه


    بص يا خويه وشوف شكاوينا ..... تحكى عاللى بيحصل فينا

    اصلنا ناس زهقت واتخنقت ..... من ظلمه بيستعبدوا فينا

    دول عايزينا عبيد وجوارى ..... ونقول أمرك يا أفندينا

    فاكرينا فى عزبة باباه ..... أوامرهم سيف على رقابينا

    ويقولك زعلان كده ليه ..... انا بتكلم بالدستور

    دستور ايه ده يا عم الوطنى ..... ما تخلى الطابق مستور

    دستور دخّل خمره فى بلدى ..... خلى الفايق بقى مخمور

    دستور حوّل انتخاباتنا ..... لمطاوى وسكاكين وكسور

    لأ وكمان بيقولوا طوارىء ..... علشان يصلحوا بيه المكسور

    ده قانون دوّت ولا ساطور ؟!

    ده قانون عامل زى الشبشب ..... ساوى القاضى مع الصرصور

    بص يا بابا اسمعنى كويس ..... انا مش زيّك بعرف اكيّس

    واللى فى قلبى يقولوا لسانى ..... مش حاضر يا حبيبنا يا ريّس

    ارفع ايدك من على بوقى ..... وان مرفعتش هقطعهالك

    غصبن عنك صوتى هيوصل ..... وانت بقى ابقى اعمل ما بدالك

    اوعى تظن ان المتدين ..... يخاف منك زى اعوانك

    لااااااااااااااا

    دا المتدين ربه معاه ..... وانت ما عكش الا شيطانك

    شوف بيرد وبيقول ايه !!!

    يا ابنى بدل ما بتحرق دمك ..... شوفلك حاجه تسلّى فراغك

    صاحب شلّه وروح الديسكو ..... متّع نظرك واملا دماغك

    الوضع ده باقى وعلى طول ..... ولا هنعدّل ولا هنغير

    وانت يا شاطر تطلع تنزل ..... عمرك ابدا مش هتغيّر

    هنا رديت

    رديت قلتله لأهنغيّر..... طول ما معانا المولى هنقدر

    وانت اقعد خطّطلنا وامكر ..... وافتح معتقلاتك اكتر

    اظلم فينا وعذّب واعصر ..... ان كنت كبير الله اكبر

    ان كنت كبير الله اكبر

    هو وعدنا انه هينصر ..... علشان كده ثابتين وهنصبر

    بقى علشان الناس بتعبّر ..... عن رايها عضمها يتكسّر

    اصحوا بقى وفوقوا من النوم ..... دول كسّروا فوق راسنا الشوم

    وانا مش جاى احكى فى مشكلتى ..... دى بلدنا بتعتب وتلوم

    احنا غرضنا نبنى بلدنا ..... نتعاهد نبدأ من اليوم

    واحنا لوحدنا مش هنكفّى ..... يللا يا اخويه وامسك كفى

    احنا هنتحرك بتحضّر ..... ولا هنخرّب ولا هنصفّى

    وان ما وافقتش تيجى معايا ..... وتقف جنبى وتيجى فى صفى

    برضه لابد انك تتحرك ..... علشان هدفك اصلا هدفى

    يا اخوانا كفايه كده سلبيه ..... ده وطنّا جفّت أنهاره

    لو نبقى كلنا ايد واحده ..... ليل الظالم يبقى نهاره

    لو نبقى كلنا ايد واحده
    :: ليل الظالم يبقى نهارده ::




    القصيده لستمونى الشاعر


    ************************************************************** شبابيك رؤية لعالم افضل **************************************************************

      الوقت/التاريخ الآن هو 26/09/17, 10:39 pm